Толғақ қалай шақыралады?

Толғақтың маңызы және босану үдерісіндегі рөлі

Толғақ – босану үдерісінің маңызды бөлігі, жатырдың бұлшықеттері жиырылып, нәрестені дүниеге әкелуге көмектеседі. 

Толғақтың табиғи басталу уақыты мен кейде оны шақыру қажеттілігі

Толғақтың табиғи басталуы әдетте жүктіліктің 37-42 аптасында Алланың жазған күні болады және кез келген жерде басталуы мүмкін. Дегенмен, кейде толғақты медициналық себептермен арнайы түрде шақыру қажет.

Толғақ шақыруға қажеттілік қашан туындайды?

Мерзімнен асып кеткен жүктілік

Мерзімнен асып кеткен жүктілік балаға және анаға бірнеше қауіп төндіруі мүмкін: баланың салмағы артып, ол босану жолында қиындықтар туындатуы мүмкін, ал амнион сұйықтығы азайып кетсе, ұрық гипоксиясына ұшырауы ықтимал.

Босанудың табиғи үдерісінің бәсеңдеуі

Босану процессі баяулап кеткенде толғақ ұзаққа созылады да жатырдың жиырылуы әлсірейді деп саналады. Ол бірнеше себептерге байланысты болуы мүмкін: жатырдың бұлшықеттерінің әлсіздігі, ұрықтың дұрыс орналаспауы, гормондық деңгейлердің бұзылуы, эмоционалдық немесе физикалық стресстер, ананың жалпы денсаулық жағдайы.

Медициналық себептер бойынша толғақты шақыру (ана мен нәрестенің қауіпсіздігі)

Көп жағдайларда толғақты шақыру қажеттілігі соның ішінде гинекологиялық сұрақтарға да байланысты болуы мүмкін: жүктілік мерзімі ұзап кетсе, ананың басы ауырып жоғары қан қысымы, қант диабеті немесе жүрек-қантамыр аурулары мазаласа, ұрықтың өсуінің тоқтауы немесе гипоксиясы, ұрықтың дұрыс емес орналасуы немесе амниотикалық судың ерте ағып кетуі.
 

Толғақты табиғи жолмен шақыру әдістері

Физикалық белсенділік

Жаяу жүру

Көп жаяу жүру жатырдың бұлшықеттерін ынталандырып, оның жиырылуын күшейтіп, босану жолдарының ашылуына көмектесіп, баланың дұрыс орналасуына ықпал етеді.

Жеңіл физикалық жаттығулар

Жеңіл серуендеу немесе жеңіл жаттығулар -  толғақты шақырудың табиғи тәсілі. Олар жатырдың бұлшықеттерін белсендіріп, жиырылуды күшейтуге көмектесіп босану процесін жеңілдетеді.

Жыныстық қатынас

Жыныстық қатынас табиғи түрде простагландиндер мен окситоцин секрециясын арттырады. Бұл 2 гормон толғақтың басталуына және жатырдың жиырылуына ықпал етеді. Сонымен қатар, оргазмның өзі де жатырды жиырылтады.

Простагландиндердің әсері

Ер адам шәуеті құрамындағы простагландиндер - бұл қабынуды, бұлшық еттердің жиырылуын және қан айналымын реттейтін, жатыр мойнын жұмсартып ашылуына әкелетін биологиялық белсенді заттар.

Қауіпсіздік шаралары

Толғақты шақырту кезінде жыныстық қатынасқа түсу үшін аяғы ауыр әйелдің жағдайы мен дәрігердің рұқсаты маңызды. Жұқпалы аурулардың алдын алу мақсатында қорғаушы құралдарды қолдану және денсаулық жағдайын бақылап отыру қажет.

Тамақтану

Айрықша тағамдар мен шөптер (мысалы, ананас, малина жапырағы)

Ананас, кептірілген құрма, жержаңғақ немесе қызыл балауса, малина жапырағы, алабота сияқты шөптер қолданылуы мүмкін.

Қауіпсіздік және тамақтану кеңестері

Толғақты шақырту кезінде тағамдар мен шөптерді қолданар алдында дәрігердің кеңесін алу өте маңызды, себебі кейбір өнімдер жатырдың жиырылуын күшейтіп кетеді де күтпеген әсерлерге әкелуі мүмкін. Тамақтану барысында жеңіл, сіңімді тағамдарды таңдап, күнде жеткілікті су ішу керек.

Акупрессура және массаж

Белгілі нүктелерді ынталандыру

Белгілі нүктелерді ынталандыру жатырдың жиырылуын арттырып, толғақты шақыруға көмектеседі. Бұл әдістерді қолданар алдында дәрігермен кеңескен жөн.

Медициналық жолмен толғақты шақыру әдістері

Медициналық препараттар

Простагландиндер

Простагландиндер таблетка, гель немесе вагинальды суппозиторий түрінде қолданылады. Бұл препараттар жүктіліктің соңғы кезеңдерінде немесе ана мен балаға қауіп төнген жағдайда қолданылады.

Окситоцин

Окситоцин — бұл синтетикалық гормон, ол толғақтардың жиырылуына әкеліп босануды ынталандыру үшін қолданылады. Окситоцинді әдетте ішілік тамшы арқылы енгізеді, ол толғақтардың дұрыс ырғақта өтуіне көмектеседі.

Механикалық әдістер

Баллонды катетер

Баллонды катетерді қолдану жатыр мойнын механикалық түрде ашу үшін жүзеге асырылады: катетердің ұшы жатыр мойнының ішіне енгізіліп, оның ішінде ауаның немесе сұйықтықтың көмегімен баллонның көлемі ұлғайтылады, бұл жатыр мойнын жұмсартып, ашылуын ынталандырады.

Амниотомия (құрсақ суын жару)

Толғақты шақыру үшін амниотомия әдісінде дәрігер амниотикалық қабықты механикалық түрде тіліп, ұрықтың суын шығарады, бұл жатырдың жиырылуын күшейтіп, толғақты бастауға ықпал етеді.

Толғақ шақырудың қауіптері мен артықшылықтары

Табиғи және медициналық әдістердің салыстырмалы талдауы

Табиғи толғақты шақыру әдістері ағзаның табиғи процестеріне негізделеді және әдетте қауіпті емес, бірақ олардың тиімділігі шектеулі болуы мүмкін. Медициналық әдістер, толғақты тез және тиімді бастауға көмектеседі, бірақ олар дәрігердің бақылауымен қолданылуы тиіс, себебі оларда жанама әсерлер мен тәуекелдер болуы мүмкін.

Ана мен нәресте үшін ықтимал қауіптер

Кез-келген әдістер жатырдың шамадан тыс жиырылуы, ұрықтың жүрек соғуының өзгеруі, инфекцияға да немесе өзге де қиындықтарға әкелуі мүмкін.

Толғақ шақырудың артықшылықтары мен мүмкін болатын тәуекелдер

Артықшылығы - босануды уақытында бастау, ана мен баланың жағдайын жақсарту және мүмкін болатын асқынуларды болдырмау. Тәуекелдер - жатырдың шамадан тыс жиырылуы, ұрықтың жүрек соғуының бұзылуы немесе инфекция. 

Толғақты шақыруға дайындық және кеңестер

Дәрігермен кеңесу қажеттілігі

Әрбір әйелдің денсаулығы мен жүктіліктің жағдайы әртүрлі болып келеді, және кейбір әдістер ана мен бала үшін қауіп төндіруі мүмкін

Қауіпсіздік шаралары

Дәрігер әрбір жүктіліктің ерекшеліктерін ескеріп, дұрыс әдісті таңдап, ықтимал тәуекелдерді бағалап, босану процесінің қауіпсіздігі мен тиімділігін қамтамасыз етеді.

Психологиялық дайындық

Толғақты шақырту алдындағы психологиялық дайындық әйелдің қорқынышын жеңіп, босану процесіне сеніммен және тыныштықпен қарауына көмектеседі, бұл оның физикалық және эмоционалдық жағдайының жақсаруына алып келетін шара.

Қорытынды

Жүктілік пен босану процессі – әр әйел үшін үлкен жауапкершілік, бір Аллаға және ырымдарға ғана сеніп қоймай, әр шешімді «Дәрігер енді не дейді екен?» - деп анықтап сосын бірге қабылдаған дұрыс. Ана мен болашақ ұлының немесе қызының денсаулығын сақтау үшін толғақты шақырту қажеттілігі болған кезде, жоғарыда көрсетілген әдістерге жүгіну керек.

Толғақ шақыру әдістерін таңдау кезінде ескеру қажет кеңестер

Әйелдің денсаулық жағдайы мен жүктіліктің ұзақтығын ескеру маңызды, себебі әр түрлі әдістер әр адамға әртүрлі әсер етуі мүмкін. Дәрігердің кеңесі бойынша әдісті таңдап, олардың қауіпсіздігін және ықтимал жанама әсерлерін мұқият қарастырған жөн.