Босанудың алғашқы белгілері / Босану және толғақтың белгілері

Босану – әрбір жүкті әйел үшін маңызды және жауапты кезең. Алдағы босанудың алғашқы белгілерін  білу болашақ ананың өзіне  сенімді болуына және қажетті шараларды уақытылы қабылдауына көмектеседі. Бұл процесс алдын ала белгілі белгілермен басталады, оларды уақытында анықтау болашақ ананың дайындығын арттырады. Босанудың жақындағанын көрсететін негізгі белгілерге белдің ауыруы, іштің төменге тартатыны яғни төмендеуі, шырыштың бөлінуі, қағанақ суының кетуі және толғақ жатады.

Бел ауырсынуы және іштің түсуі

Жүктілік кезінде жатыр біртіндеп өсіп, ішкі органдарға қысым түсіреді. Босану жақындаған сайын жатыр төмен түсіп, іштің формасы өзгере бастайды. Бұл жағдай әдетте жүктіліктің 38-40 аптасында байқалады. Іштің түсуі баланың босану жолына жақындағанын білдіреді. Сонымен қатар, бел ауыруы да мүмкін, өйткені жатырдың төмен түсуі арқадағы бұлшықеттерге қосымша салмақ түсіреді.

Түссіз не ақшыл-қызғылт шырыштың бөлінуі

Босануға жақын арада шырышты тығын бөлінеді. Бұл – жатыр мойнында жүктіліктің басынан бастап тұрған шырыштан тұратын қабат. Ол мөлдір, ақшыл немесе қызғылт түсті болуы мүмкін. Егер шырыш бөлінсе, бұл жатыр мойнының ашыла бастағанының белгісі және босану уақытының жақындағанын көрсетеді.

Қынаптан мөлдір сұйықтың ағып шығуы

Кейбір жағдайларда қынаптан аз мөлшерде сұйық бөлінуі мүмкін. Кейбір әйелдерде көп мөлшерде мөлдір немесе ақшыл сұйықтық бөлінуі мүмкін. Бұл- қағанақ суының баяу кетіп жатқанын білдіреді. Егер мұндай жағдай байқалса немесе сұйықтықтың түсі өзгерсе немесе иісі ерекше болса, дәрігерге немесе акушерге айтыңыз.

Ұрық маңындағы судың төгілуі

Босанудың негізгі белгілерінің бірі – қағанақ суының кетуі. Қағанақ суы бірден немесе аз мөлшерде бөлінуі мүмкін. Қағанақ суы мөлдір немесе аздап сарғыш түсті болуы мүмкін. Егер су кетсе, 10-12 сағат ішінде босану басталады. Әдетте, су бірден көп мөлшерде төгіледі, бірақ кейбір жағдайда ол баяу да ағуы мүмкін. Бұл кезде толғақ басталмаса да, дереу перзентханаға бару қажет.

Толғақ деп жатыр бұлшықеттерінің жиырылуы және босанудың негізгі белгісі болып табылады. Толғақ кезінде әйелдерде іштің төменгі бөлігінде де және бел аймағында қатты ауырсын сезіледі. Нағыз толғақ кезінде жатыр бұлшықеттері жиырылып, белгілі бір уақыт аралығында қайталанып тұрады. Алғашында олар әлсіз болады, бірақ уақыт өте келе күшейеді және белгілі бір аралықпен жиілей бастайды. Егер толғақ әр 10 минут сайын қайталанып, 30-40 секундқа созылып және уақыт өткен сайын жиілей бастаса, бұл нағыз босану толғағы екенін білдіреді. Толғақ кезінде әйелдерде іштің төменгі бөлігінде және бел аймағында қатты ауырсыну сезіледі.

Жалған толғақтар мен босанудың нақты белгілері арасындағы айырмашылық

Кейбір әйелдер жүктіліктің соңғы апталарында Бракстон-Хикс толғақтарын сезінеді алады.

Бракстон-Хикс толғақтары

Бұл – жалған толғақтар, олар тұрақты емес бір рет және нақты толғақ ретінде жиілігі артпайды және оңай өтеді. Сондай-ақ мұндай толғақтар демалған кезде немесе дене қалпын өзгерткенде басылады.

Нақты толғақтарды жалған толғақтардан қалай ажыратуға болады?

Нағыз толғақ уақыт өте күшейіп, белгілі бір интервалмен қайталанады. Егер толғақ әр 10 минут сайын қайталанып, ұзақтығы 30-60 секундқа созылады және біртіндеп жиілей бастайды, онда бұл – босанудың басталғанының нақты белгісі.

Дәрігерге немесе акушерге қашан хабарласу керек?

Егер толғақ күшейіп, аралығы қысқара бастаса, қағанақ суы кетсе немесе қан бөлінсе, осы жағдайдың кез келгені орындалса тез арада дәрігерге немесе акушерге айтыңыз.

Босану орнына баруға дайындық

Перзентханаға бармас бұрын, анаға және балаға қажетті заттарды алдын ала дайындау керек. Бұл киім, құжаттар және жеке гигиена құралдары болуы мүмкін.

Жедел әрекет ету және үй жағдайында дайындық

Толғақ басталғанда да тыныштық сақтап, дұрыс тыныс алу әдістерін қолдану маңызды. Егер толғақ кезінде су көп кетсе немесе қан бөлінсе, дереу жедел жәрдем шақыру қажет.

Босанудың алғашқы белгілерін дұрыс ажырата білу әйелге өзіне сенімді болуға және перзенханаға жетпей босанып қалудан яғни, қажетті шараларды толық, уақытында қабылдауға көмектеседі. Егер толғақ басталса, қағанақ суы кетсе немесе қан бөлінсе, дәрігерге хабарласып, перзентханаға баруға дайындалу қажет.