Ko’krak bilan oziqlantirish paytida og’riq qoldiruvchi vosita

Ko’krak bilan oziqlantirishda har qanday dori-darmonlarni qo’llash ehtiyotkorlik va shifokor bilan majburiy maslahatlashuvni talab qiladi! Quyidagi og’riq qoldiruvchi vositalar og’iz orqali qabul qilish uchun nisbatan xavfsizdir: Paratsetamol va Ibuprofen. Artikain in`eksiyalari tish davolash paytida og'riqni qoldirish uchun to’g’ri keladi. Ko’karishlar va boshqa ba’zi jarohatlar uchun lokal ogriqni qoldirish uchun Traumel S malhamidan foydalanish mumkin.

                                                 Ruxsat berilganlari                                         Taqiqlanganlari

                                                   Paratsetamol                                        Metamizol natriy (“Analgin”)

                                                       Ibuprofen                                            Nimesulid (“Nimesil”, “Nayz”)

                                                                                                       Asetilsalitsil kislotasi (“Sitramon”, “Aspirin”)

Doktor Komarovskiy, masalan, ko’krak emizish yoki homilador bo’lish paytida og’riq qoldiruvchi vositalardan foydalanishdan qochishni tavsiya qiladi, chunki ba`zi dorilar oddiygina tegishli klinik tadqiqotlardan o’tkazilmagan. Biroq, agar ayol kuchli og’riqlarga toqat qila olmasa, uning o’z-o’zidan o’tib ketishini kutish yoki shubhali an`anaviy usullarini qo’llashning ma`nosi yo’q. Mana muammoni tezda hal qilish va o’zingizga va bolangizga zarar yetkazmaslikka yordam beradigan bir nechta qoidalar:

•  Tushunish muhim: og’riq qoldiruvchi vositalar faqat simptomni yengillashtiradi, ammo kasallikning o’zini davolamaydi. Shuning uchun og’riq noqulaylik tug’dirganda shifokor bilan maslahatlashish, yoqimsiz his-tuyg’ularning sababini topish va uni bartaraf etish tavsiya etiladi. Shunday qilib, tish og’rig’ida stomatologga, quloq og’riganda esa lor- shifokoriga tashrif buyuring. Agar asosiy sabab bartaraf etilmasa, og’riq qayta-qayta paydo bo’lib, navbatdagi dori-darmonlarni qabul qilishni talab qiladi.

• Hatto shifokor tomonidan tayinlangan dori uchun ham ko’rsatmalarni, aniqrog’i “Homiladorlik paytida va emizish davrida qo’llash” bo’limini tekshiring. Hech qanday taqiq yo’q bo’lsa - faqat tavsiya etilgan dozada qabul qiling. Lekin! Dorivor moddalarning ona sutiga miqdoriy o’tishi faqat bir nechta dorilarga nisbatan o’rganilagan. Shuning uchun, ko’p hollarda siz homiladorlik va laktatsiya davrida preparat o’rganilmaganligini yoki homiladorlik va laktatsiya davrida foydalanish uchun qarshi ko’rsatilgan ekanligini ko’rasiz (aniqrog’i ushbu guruh bo’yicha tadqiqotlar yo’qligi sababli). Ba`zi onalar dozani kamaytirish orqali dorilar zararini kamaytirishga harakat qilishadi. Bunday qilish tavsiya etilmaydi, kutilgan ta’sir bo'lmaydi (ayniqsa, agar biz emizish davrida qabul qilinadigan vositalar haqida gapiradigan bo’lsak!).
• Ko’rsatmalarda biz uchun muhim ko’rsatkichni – preparatning organizmdan yarim chiqish davrini qidiring. Odatda, bu qon plazmasi va ona suti uchun bir xil. Shu yo’l bilan preparat organizmingizni tark etadigan davrni hisoblashingiz mumkin. Analgetiklar bir vaqtning o’zida qon va ona sutiga kiradi: buning uchun atigi yarim soat kifoya, maksimal konsentrasiya 1-1,5 soatdan keyin bo’ladi. Chiqish esa uzoqroq – 2-7 soatgacha. Masalan, paratsetamolning yarim chiqish davri 1-4 soat, asetilsalitsil kislotasining esa 7 soatgacha.

Ba`zi yosh onalar tishlarini davolashdan qo’rqishadi, chunki ular qayerdadir anesteziya ona suti sifatiga yomon ta`sir qilishi mumkinligini o’qiganlar.  “Doktor Zubov” onlayn jurnalida ta`kidlanganidek, aslida, bunday emas: shifokor lokal (mahalliy) qisqa muddatli ta`sirga ega va organizmdan tezda chiqariladigan preparatni kiritadi, shuning uchun u chaqaloqning sog’lig’iga hech qanday zarar yetkazmaydi. Shunday qilib, laktatsiya davrida tishlarni anesteziya bilan davolash mumkin va kerak. Tish shifokoriga emizish to’g’risida xabar berib, qaysi dori sizga yuborilishini oldindan aniqlab olish yaxshiroqdir. Bunday holda, shifokor optimal vositani tanlaydi, bu nafaqat tishlarni davolash jarayonida og’riqni yengillashtiradi, balki organizmdan maksimal darajada tezroq chiqariladi.

Hozir ayol internetdan yordam so’rashi mumkin: qidiruv tizimiga tegishli dori-darmonlarning nomini kiritish kifoya va bir nechta saytlar homiladorlik yoki laktatsiya paytida qabul qilish mumkinmi yoki yo’qligini aytib berishadi. 

Masalan, e-lactation universal qo’llanmasi mavjud. Agar biz odatda kuchli bosh va tish o’rig’qlari uchun, shuningdek o’ta og’riqli hayz paytida ishlatiladigan og’riq qoldiruvchi vositalar haqida gapiradigan bo’lsak, mana unda siz ichishingiz mumkin bo’lgan tabletkalarning, shuningdek mushak ichiga, tashqi va rektal dorilarning to’liq ro’yxati:

•  Paratsetamolni o’z ichiga olgan preparatlar harorat va og’riqni kamaytiradi, shuningdek yallig’lanish jarayonlarining pasayishiga yordam beradi. 
• Ibuprofenga asoslangan dorilar tish og’rig’i, bo’g’imlarda va mushaklarda yoqimsiz hislarda ishlaydi. Shamchalar va tabletkalar haroratni yengillashtiradi va ORVI alomatlarini yengishga yordam beradi. Dori vositalaridan foydalanganda faol moddaning bir foizidan kamrog’ina sutga tushadi - bu chaqaloq uchun mutlaqo xavfsizdir.
•  Agar emizikli ona kariyesni davolashi yoki tishni olib tashlashi kerak bo’lsa, ushbu jarayonlarni og’riqsizlantirish uchun shifokor bilan kelishilgan holda ultrakain (artikain) yoki boshqa dorilarni ishlatish mumkin.
   

Ushbu tabletkalarning barchasi shubhasiz sizning birinchi yordam to’plamingizda bor. Ammo ular emizikli ayollar uchun qat`iyan man etiladi. Ushbu ro’yxatga quyidagilar kiritilgan:

• Analgin. Ko’pgina mamlakatlarda ushbu preparatni qo’llash taqiqlanadi (nafaqat emizikli ayollar tomonidan), chunki uning tarkibida agranulositoz rivojlanishiga sabab bo’ladigan modda mavjud. Ona sutiga tushganda u chaqaloqning buyraklari va qon aylanish tizimiga juda salbiy ta`sir qiladi. Analgin “Baralgin”, “Tempalgin”, “Spazmalgon”, “Pentalgin”, “Spazgan” tarkibiga kiradi. Faqat o’ta og’ir holatlarda va shifokor ko’rsatmasi bo’yicha, boshqa dorilar bilan tushirib bo’lmagan yuqori haroratlarda foydalanish uchun ruxsat berilgan. Bu holda dimedrol va papaverin bilan mushak ichiga analgin in`eksiyasi amalga oshiriladi. Biroq, bunday radikal usullarni faqat shifokor buyurishi mumkin!
•  “Nimesil” (“Nayz”, “Nimid” va nimesulidga asoslangan boshqa dorilar). Deyarli bir zumda og’riq qoldiruvchi ta’sirga ega. Ammo yetarli klinik tadqiqotlar yo’qligi sababli homilador va emizikli ayollar hamda 12 yoshgacha bo’lgan bolalar uchun qabul qilish taqiqlanadi.
•  Asetilsalitsil kislotasi (aspirin va sitramon). Bu chaqaloqning oshqozon-ichak trakti ishiga salbiy ta`sir qiladi, buyraklar va qon hosil qilish tizimining buzilishiga yordam beradi.